المخلوق الارضي المزدهر قفز بالباراشوت , شوفوا بانفسكم

اذهب الى الأسفل

default المخلوق الارضي المزدهر قفز بالباراشوت , شوفوا بانفسكم

مُساهمة  Admin في الإثنين يونيو 09, 2008 6:37 am

كيفكم زوار موقع بانيت موقع العروبة رقم 1 على الكرة الارضية .. كيفكم يا حلوين وحلوات .. لا بمزح ترى ما بعنيني اذا انتو حلوين او مش حلوين بكفي قلوبكم حلوة .. يعني سوري للخجولين/لات .
حبيت اسلم عليكم واعرف شو اخباركم وشو عاملين .. بالله عليكم كل شي منيح يا جماعة .. قبل اكم يوم كنت زهقان حالي .. وكنت جوعان .. وكان شعري طولان وبدو حلاقة .. عشان هيك كنت بوضع انه ممكن اكل اي واحد بشوفه قودامي .. خخخخ ..

كنت امشي وامشي وامشي بالشارع .. وكل شي اشوفه بطريقي اضربه برجلي واطيره واذا بشوف نبتة او شجرة اقطع شقفة زغيرة منها واحملها واكمل المشي .. وشوي الا طراااااااااااااااااخ اطقع في الجدار لانه راسي طول الوقت على الارض ومش منتبه قودامي شو بصير ..

المهم صحيت من الصدمة واقول يا ولد يا مخلوق روح شوف المراية يمكن صارلك اشي خطير , وروحيت على المراية ولقيت شعري طويل ومن زمان ما حلقت وحتى لحيتي بقدر يوقف عليها صقر من وضعها المشنك خخخخخخخ .. واقول لنفسي خلص لازم اروح عند الحلاق خليني ارتب نفسي ..

وادخل للحلاق من الباب , ايوا من الباب ومش من الشباك (ليش هو من وينتا بدخله عند الحلاق من الشباك؟) ..

المهم دخلت وقعدت استنى واستنى واستنى واجا اخيرا دوري , احم احم ..

يا ويلي روحيت عند حلاق امه اصلها هندية لانه بعرفش يحكي مليح وعمره بيجي 70 سنة .. قعدت على الكرسي .. الا الحلاق بصرخ علي قووووووم قوووووووم .. بابا قوم هذا هنا شعر واحد على الكرسي .. قولتله طيب بقوم , وفعلا قوميت .. وشوي اشوفه يحط علي المريول تبع الحلاقة .. ويقول لي ارفع حالك .. عاد انا طويل نسبيا ليش بعاملني معاملة الاقزام .. هذه اهانة لا يمكن اسكت عليها .. الووو بوليص النجدة ,, ابعثولي سيارة الاسعاف ..

قال لي طيب طيب بابا انت تعال تقعد هونا لانه انا لازم شوف انتا راس كويس .. قوليت بعقلي الله يطولك يا روح .. قعدت زي ما بدو .. وصوريت افكر وافكر .. وشوي الا اصحى من تفكيري ..

واااااااااع ايش هذا ؟ انا صوريت اقرع على الصفر والادهى من هيك الحلاق ابن الهندية ماسك لحيتي بشد فيها شد بدو ينتقها , الله يخرب بيته شو مفكرني وزة بدو يسلقها ؟؟؟!

قولتله هيه هيه بس بس ما بدي احلق دشرني ..

والله وانا طالع من المحلقة اقرع وارجع البيت وانا برضو اقرع وقالوا لي اهلي , تقبل الله منا ومنك العمرة الف مبروك <<< عاد هومي بستهبلو وعارفين اني مش رايح عمرة .. وصوريت انا استهبل زيهم وقولتلهم شكرا شكرا ..

وبعدها بشوي نمت وانا مشغل التكييف بالغرفة واصحى من نومي وامسك قرعتي ولا هي باردة خخخخخخ .. شعرتها زي الجبصين , زي تقولو جمجمتي مكسورة وملزقة تلزيق على راسي ..(يخرب بيته الي كان السبب)

واروح على الشغل وادخل على الغرفة وانا لابس طقية على راسي وعامل نفسي مؤدب لاني ما حابب حدا يقرب علي في الوضع الي انا فيه ..

وادخل على غرفة المدير في الشغل وهو يسالني شكلك مش طبيعي شو قصتك اليوم هادي وما بتحكي , قولتله كل شي وظروفه بالحياة , انا غامق قصدي انا فاتح صفحة جديدة بحياتي .. طلعت من غرفة المدير وقعدت على الكرسي ومن التعب والتفكير غفيت وانا على مكتبي ..

واروح احلم ..

حلمت اني راكب طيارة زغيرة حجمها 3 متر على 6 متر واحنا طالعين عشان نقفز بالباراشوت .. وكان راكب معي , صديقي سامر وزنه زي مصارعين السومو وصديقي ايمن زي الديك الي على راسه قرد شمبنزي .. والطيار بالحلم كان مديري في الشغل .. والشخصية المهمة كان مرسي وهو بالحلم طلعلي على شكل مدير شركة صناعة ملابس ..

وعاد الطيار الي هو مديري بالشغل .. يطير فوق ويقولي احنا بارتفاع عالي جدا , وبتقدرو تشوفوا تحتكم .. وعاد انا بخاف من المرتفعات ..

وشوي الا مديري قال يلا استعدووو .. نشف ريقي من الخوف ..

وقام قلنا عدو من 1 الى 10 ونطو وبعدها ب 20 ثانية افتحو البراشوت .. وانا مش عارف هو انا بعرف افتح البراشوت ولا لع .. والخوف طلع على قرعتي (متذكرينها؟ - منه لله الي كان السبب) ..

وهيلا هوب اجا دوري انط , ونطيت .. بس مش اول واحد ..

نط قبلي صديقي سامر .. عاد هو دب وهو يعد من 1 الى 10 ما لحقت البرشوت تفتح لانه وزنه كبير وهو لحق يوقع على الارض بدون الباراشوت ما تفتح , ملحقش يقول 1 و 2 الا هو غارز بالارض زي المسمار .. ولحد هذه الساعة بحاوله يطلعوه من الارض بس الظاهر انه غارز متر ونص بقلب الارض عشان هيك مش سهل سحبه ..

واجا دور ايمن .. واموت اعرف اذا هو شجاع ولا بس شاطر بالحكي ..

وهوب عد من 1 ل 10 بدون صوت ونط ولما فتح الباراشوت , صارت تكب عليه معالق وصحون .. طلع مقلب عامله فيه صديقنا سامر الغارز .. ويوقع ايمن فوق سامر وصارو اثنين مغروزين زي الشجر بالارض .. المهم عرفوا يسحبه ايمن بس سامر لهسا بالارض ومبين ما فيه امل هههههه ..

ويجي هسا دوري انا هئ هئ نئ نئ سئ سئ تك تك تك وسناني تخابط زي الي مركب طقم اسنان .. وصوريت الفظ السين شين والباء حاء وبدل ما اقول يا ساتر صوريت اقول يا شاتر ..

وهوب اقفز بس مبين اني محظوظ .. واوصل على الارض بسلام ومبين ما فيه احسن مني .. ايوا ايوا بدي سحجة يلا ... انا وصلت ومن كثر الفرح علق فمي فوق وما قبلت ابتسامتي ترجع محلها ..

ويجي دور مرسي (الي قولتلكم انه بالحلم طلعلي على هيئة مدير شركة صناعة ملابس) ..

وقال صار يقول يلا اجا دوري وعاد هو لابس متلبس .. والكل مستنيين يشوفو اذا هو احسن مني..

ويقفز وشوي شوي يقرب من الارض يقرب يقرب يقرب وطراخ يوقع على الارض ..

صرنا نركض خلينا نشوف شو صارله .. الا هو ممدود على بطنه وعيونه مبحلقات زي الدبور ..

شوي واحس انه في مطر .. الا هو زميلي بنفس الغرفة بالشغل .. بصرخ علي وبرش مي على راسي وبقولي نايمممم بالشغل !!! اصحى قبل ما يشوفك حدا .. وهيك صحيت من حلمي ..

وبسرعة حطيت ايدي على راسي الا الطقية واقعة على الارض .. واشوفلكم من شباك غرفتي كل الي بشتغله معي بضحكو على قرعتي .. الي صدقوني ما حلقتها على الصفر لانه بدي اروح على العمرة .. وااااااااااع ..

نفسكم تعرفوني .. غمضوا عيونكم وتخيلوني ..

تشاو بعلبة كاكاو

Admin
Admin

عدد الرسائل : 233
تاريخ التسجيل : 08/06/2008

معاينة صفحة البيانات الشخصي للعضو http://medhat.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى